Apple Map 在中國內地與香港使用的分別

最近有機會返內地,只要打開wifi 及漫遊(無須打開數據漫遊),就會發現使用iPhone內建的apple map所看到的,和在香港看到的並不相同. 內地版因為使用高德地圖的地圖資料,明顯詳細很多,而且並沒有gps偏移的問題(一般外國地圖網頁看中國內地資料都會出現偏移情況,因為中國內地不想令外國測繪到精準的gps位置資料,然而,衛星圖版網頁一般都沒有偏移情況. 由於出現偏移情況,中國與其他地方交界處的地圖會出現互相重疊的情況,例如香港/中國內地交界處地圖會看不清楚)

內地版地圖看香港灣仔 (港鐵各出口相當詳盡):

內地版地圖看香港大學 (港鐵各出口相當詳盡,又有上山行山徑資料):

內地版地圖看落馬洲 (與內地交界處沒有出現偏移,深圳河清晰可見):

返回香港後,不論用3G/4G網絡或wifi上網,apple map 恢復使用國際版資料.

國際版地圖看灣仔(什麼港鐵出口都看不到):

國際版地圖看香港大學(什麼港鐵出口都看不到):

國際版地圖看落馬洲(深圳河無法完整看到,出現移動情況):

我的數碼相機

記得約2000年代開始，當年未有錢買真正有用的數碼相機，只買部三合一，即錄音筆，WEBCAM，相機，像素係100萬左右，32MB記憶量。當年這部三合一是SPEED公司出品，連FLASH MEMORY都無，如果電池無電，相就無了。

讀過大學時買左第一部真正的數碼相機是KODAK DX7440，呢部野有全手動功能，初學相機認相來說真的不錯，不過缺點是WIDE果邊唔夠WIDE，ISO表現又好麻麻(基本上只會用ISO80-100，以上的都只是裝飾用)，只可用作日光機之用。記得當年買機時順便買的是512MB SD Card(好似三四百蚊)，依家仍能使用。

接著買左部富士F40fd(2007年)，八百萬象素/36-108MM(3X變焦鏡頭)，係第一部富士用SD/SDHC Card相機(相機曾有多款卡可以使用，富士曾用過smart media card，之後轉用xd card，呢部機係XD/SD CARD兼容)。呢部野真係好正，經歷過入塵要入廠洗鏡頭($300)，原廠／副廠電都壞埋，仍然能值得使用。當年佢的ISO表現令人刮目相看，ISO 400一般都可以輕鬆使用，縮圖的話，ISO 800亦可偶而為之。另外,呢部機還有face detection,可以自動人像對焦,增加對焦準確度.只是電子科技發展太快，ISO表現漸漸同現今主流機有一定距離，只可以用作日頭及夜晚配合腳架用。呢部機仍繼續用的原因係佢鏡頭解像度真係好夠（PCMAG話大約1800 lines,ZOL話2200-2500lines）同埋Dynamic Range不俗(影日落/夜景最明顯)，即使部機出左近八年，市面主流手機及初階相機畫質都未有佢咁正(現今細相機大sensor比較好（中段光圈及中央部份）時可以達2500-3000lines，但差時（例如邊緣位）都係約1800lines，細sensor長焦機即使較好時都未必有2000lines)。

跟著買左部長焦機KODAK Z1015IS(約2008年尾)，大約二千蚊，有千萬象素有十五倍變焦，由於變焦太多，因此畫質真係麻麻地(只有約1600lines)同埋手動功能有限(光圈只可選最大同最細)，但有EVF，高清錄影(720p)／raw相及WIDE果邊比之前兩部機都WIDE(28-420MM)，再加光學防手震同自動場景選擇，配合富士個部一齊用都有佢的價值。不過呢類大部長焦機攜帶麻煩，最終在魔鬼山樓梯／山坡上連腳架跌下，最終鏡頭報廢，壽終正寢。

之後見減價，買左部平平的SONY WX80相機(約2014年尾)，呢部機有WIFI功能，可以遙控影相及睇相（去旅行share相真係方便好多）。焦距亦唔差，等值是28-224MM(8X)，象素有1600萬，必要是做CROP亦可，影月光都唔差。相機速度非常快，呢部機錄影亦唔差(1080i)，防手震功能強勁。ISO表現明顯較早幾代好，一般影相基本上都唔駛點樣特別理ISO值。由於呢部機太細部，畫質始終係一般(pcmag話大約2000lines,但夜景畫質真係麻麻,即使開左HDR, dynamic range都係不夠)，特別係個螢幕真係好差。隨著科技發展，呢部機的電子濾鏡同自動場景功能真係繼續進步良多，不過有些都係好睇唔好用（例如全景拍攝效果仍是一般）。

影相手機方面，曾經用過一些有鏡頭但其實用不到的手機（連對焦也沒有），第一部有對焦的手機是NOKIA 5800 XpressMusic，雖然係蔡司鏡頭/300萬象素,但畫質真係麻麻，不過紀錄資料都夠用了。之後是Motorola xt910 maxx，呢部野雖然有800萬象素，但畫質都係麻麻，紀錄資料就ok，影風景相就唔好了。去到Apple iPhone 6(2014年尾)，真的相當不錯，除了夜景麻麻之外，日間基本上可以當相機用。用手機影相的另一優勢係會紀錄埋GPS位置/高度/同面向方向。